Mesa informativa sobre ALTRI

O vindeiro xoves día 23, en colaboración coa Agrupación Cultural Alexandre Bóveda e o Circo de Artesáns, organizamos unha mesa informativa sobre o intento da multinacional ALTRI de instalar no corazón de Galiza, nas comarcas da Ulloa e Terra de Melide, unha macrocelulosa cun brutal impacto negativo tanto ambiental como socioeconómico. De ser instalada afectará ríos, medio natural, actividade agrogandeira e a un ben patrimonial, o Camiño de Santiago. As consecuencias contaminantes chegarían até a ría de Arousa. A pasteira de ALTRI representaría a aniquilación dunha economía que se sustenta nos grandes sectores lácteos e pesqueiros e que actualmente é o sustento de miles de familias.

Organizamos esta mesa informativa porque cómpre informarse e mobilizarse porque precisamos que se asenten industrias no noso país pero non a costa da saúde e do futuro de toda unha comarca.

Data:  xoves 23 de xaneiro

Hora: ás 19:30 do serán

Lugar: no local do Circo de Artesáns rúa Santo André, 36

Participarán:

Soqui Cea, mestra, veciña de Melide

Alexandre Regueiro, de ADEGA

Bernardo Valdés, profesor de Economía da USC

Xulio Fernández Carnero, traballador do SLG

Deixa o teu comentario.

O teu enderezo electrónico non se publicará Os campos obrigatorios están marcados con *