Recuperados en 2008 os premios literarios que desde os anos sesenta convocou O FACHO e
nos que participaron ou gañaron moitos dos escritores e escritoras que hoxe fan posíbel con a súa
obra unha literatura galega de calidade e de grande importancia nas letras universais, realizase a
convocatoria para 2025 do Concurso Literario de “Contos de Nenos para Nenos”
BASES DO CONCURSO
Descarga o díptico en PDF das bases do concurso de Contos de Nenos para Nenos O Facho 2025
PRIMEIRA: PARTICIPANTES:
- Poderán participar rapaces e raparigas que presenten as súas obras en Lingua galega en calquera
das tres normas ortográficas (RAG, Eo-Naviego, Reintegrado, Lusófona).
CATEGORÍA A: Nenos e nenas de 9 a 12 anos.
CATEGORÍA B: Rapaces e raparigas de 13 a 16 anos.
- Os traballos presentados deberán ser:
• orixinais e inéditos en toda a súa extensión
• non teren sido premiados en calquera outro concurso ou certame literario e
• os seus dereitos de publicación podan ser cedidos à Asociación Cultural O FACHO por
período de cinco anos contados a partir do día do fallo do xurado. - A participación neste Concurso implica a aceptación das presentes bases.
SEGUNDA: PREMIOS
- En cada categoría existirán dous premios en metálico coa seguinte dotación económica:
| CATEGORÍA A | CATEGORÍA B | |
| 1º PREMIO | 500€ | 500€ |
| 2º PREMIO | 300€ | 300€ |
TERCEIRA: PRESENTACIÓN DOS CONTOS:
Poderá facerse individualmente ou por medio do centro onde curse os seus estudos, por:
- Correo electrónico: ofacho@ofacho.com
- Correo postal dirixido à: Asociación Cultural O FACHO, Apartado de Correos n.o 46,Oficina Principal.
2. No caso en que sexan os centros escolares os que presenten os orixinais ao Concurso,
deberán facer unha pre-selección dun máximo de dous traballos por categoría,
calquera outro terá que ser presentado individualmente.
3. Cada autor só poderá presentar unha obra atendo-se aos seguintes “límites de
extensión” dos contos:
- Categoría A: Máximo de cinco folios
- Categoría B: Máximo de dez folios
4.As obras se presentarán por triplicado, manuscritas ou mediante editores de texto, encadernadas ou grampadas e levarán por detrás do último folio os seguintes
DATOS:
- Nome e apelidos do autor/a.
- Enderezo e telefono. Correo electrónico.
- Centro onde cursa os seus estudos.
- Categoría na que participa (A ou B).
CUARTA: XURADO
1.Os premios serán escollidos por un xurado designado pola Asociación Cultural O Facho.
2.Alén da orixinalidade literaria, o xurado valorará a riqueza lingüística e o coñecemento gramatical reflectido nas obras.
3.O xurado poderá declarar deserto un ou varios dos premios do concurso e será o que deberá resolver aquelas situacións que se presenten e que non estean contempladas nestas bases, así cono as dubidas na súa interpretación.
4.O fallo do Xurado publicarase no mes de Maio.
QUINTA: PRAZO DE ADMISIÓN
1.prazo de admisión de orixinais finaliza o día 1 de maio do 2025 ás doce da noite. [AMPLIADO O PRAZO ATA O 8 DE MAIO]
Coruña, Marzo de 2025
